உடல்நிலை பாதிக்கப்பட்டவர்கள் – கோவிட் தொடர்பான எச்சரிக்கை!!!

tamil news:

உடல்நிலை பாதிப்புகள் உள்ளவர்கள், முகக்கவசம் அணிந்து, தொடர்ந்து கைகளை சுத்தமாக வைத்திருக்கவேண்டும் என மருத்துவ நிபுணர் சந்திம ஜீவந்தர ஆலோசனை வழங்கியுள்ளார்.

இது கோவிட்-19 பரவலை தடுக்கும் வழிகளில் ஒன்று என்றும் அவர் குறிப்பிட்டார்.

உலகளவில் பரவிவரும் புதிய கோவிட் மாறுபாடு NB.1.8.1 காரணமாக இந்த அறிவுறுத்தல் வழங்கப்பட்டுள்ளது.

ஓமிக்ரானின் துணை வகையான இந்த மாறுபாடு முதன்முதலில் 2025 ஜனவரியில் கண்டறியப்பட்டது.

தற்போதைய புள்ளி விவரங்களின் அடிப்படையில் மே மாதத்தில் இதன் பரவல் சதவீதம் 10.7 ஆக பதிவாகியுள்ளது.

சுகாதார நிபுணர் சந்திம ஜீவந்தர, இதற்கான அறிகுறிகள் தொண்டை வலி, காய்ச்சல், இருமல், உடல் சோர்வு மற்றும் தசை வலி போன்றவை என்றும் தெரிவித்தார்.

இவ்வாறே இந்த மாறுபாடு கடுமையான நிலையை ஏற்படுத்தும் என அச்சம் கொள்ள தேவையில்லை என்றும்,

எச்சரிக்கையாக இருக்க வேண்டும் என்றும் அவர் வலியுறுத்தியுள்ளார்.