NaranMedia is your go-to source for breaking news and in-depth analysis on global events.

How often is content updated?

Our content is updated multiple times a day to ensure you receive the latest news as it happens.

மக்களின் தனிப்பட்ட தகவல்கள் வெளிநாட்டு நிறுவனங்களிடம் கசியக்கூடிய அபாயம்!!! அனுர அரசின் முட்டாள்தனம்

tamil news:

இலங்கையர்களின் தனிப்பட்ட மற்றும் முக்கியமான தரவுகள் வெளிநாட்டு நிறுவனங்களிடம் செல்லக்கூடிய அபாயம் உருவாகியுள்ளதென அச்சுறுத்தலான தகவல் தற்போது வெளியாகியுள்ளது.

மின்னணு தேசிய அடையாள அட்டைகள்(Digital ID) தயாரிப்பதற்காக வெளிநாட்டு நிறுவனமொன்றுடன் ஒப்பந்தம் செய்ய திட்டமிடுவது குறித்து பல தரப்பிலும் விமர்சனங்கள் எழுந்துள்ளன.

இதன்மூலம் நாட்டில் உள்ள தனிநபர் தரவுகள் பாதுகாப்பற்ற நிலைக்கு தள்ளப்படக்கூடும் எனக் கூறப்படுகின்றது.

இந்நிலையில் குறித்த தரவுகளை வேறு வழிகளிலும் சேகரிக்க முயற்சிகள் நடப்பதாகத் தகவல்கள் தெரிவிக்கின்றன.

மின்னணு அடையாள அட்டை திட்டம் இறுதி கட்டத்தில்

பிரதமரின் மேற்பார்வையில், ஆட்பதிவு திணைக்களத்துக்காக மின்னணு அடையாள அட்டைகளை வழங்கும் வேலைகள் தற்போது இறுதிக்கட்டத்தை எட்டியுள்ளன.

இதில் உள்ளூர் மென்பொருள் நிறுவனங்களும் பங்கேற்று வருகின்றன.

வெளிநாட்டு KYC மென்பொருள் குறித்து கவலை

இதற்கிடையில் 'Know Your Customer' (KYC) என்ற வெளிநாட்டு மென்பொருளை பயன்படுத்தி இலங்கையர்களின் தனிப்பட்ட தகவல்களை அந்த நாட்டின் அரசுக்கும்,

தனியார் நிறுவனங்களுக்கும் அணுகக்கூடிய வகையில் உருவாக்கப்படலாம் என நிபுணர்கள் எச்சரிக்கின்றனர்.

இதற்கான முன்நிலை பேச்சுவார்த்தைகள் ஏற்கனவே வெளிநாட்டு குழுவொன்றுடன் நடத்தப்பட்டுள்ளதாகவும் தகவல்கள் வெளியாகியுள்ளன.

மென்பொருள் துறையில் ஈடுபட்டவர்கள் தெரிவித்ததாவது, Mosip KYC எனும் மென்பொருளை மூலமாக அரசும், தனியாரும் நமது நாட்டின் முக்கிய தரவுகளை நெருக்கமாகப் பயன்படுத்தும் வாய்ப்பு இருப்பதாகச் சுட்டிக்காட்டுகின்றனர்.